[2026免費] 點樣喺手機螢幕顯示懸浮歌詞（支援 Spotify、YouTube Music 等！）

你係咪已經厭倦咗聽歌嗰陣要係咁轉 App 先睇到歌詞？無論係 Spotify、YouTube Music 定係其他 Player，大多數都淨係可以喺 App 入面顯示歌詞。一旦你想覆個 WhatsApp、碌吓 IG 或者打鋪機，歌詞就睇唔到㗎啦。

喺呢篇文入面，我會教大家一個簡單方法，令你嘅歌詞好似「彈幕」或者「畫中畫」咁，懸浮喺手機螢幕最頂層。無論你做緊乜，歌詞都可以一直顯示！

步驟 1：下載同安裝

首先，去 Google Play Store 下載 Floating Lyrics。

步驟 2：畀懸浮權限

開 App 之後，你需要畀「顯示在其他應用程式上層」權限。咁樣個歌詞視窗先可以浮喺所有 App 上面。

步驟 3：畀通知權限

跟住，畀埋「通知存取權限」。個 App 需要讀取通知欄嘅播放狀態先至知道你播緊咩歌同埋歌詞去到邊。

步驟 4：開始使用

搞掂權限之後，撳首頁個 Start 制。而家，開你個音樂 App（例如 Spotify）播歌，歌詞就會自動浮出嚟㗎啦！

自由調整

你可以隨意拖拉歌詞視窗去任何位置，或者較大細，確保佢唔會遮住你打機畫面或者傾偈視窗。

總結

將歌詞由 Player 入面「解放」出嚟，係一種全新嘅聽歌體驗。如果你都係無歌不歡嘅人，強烈推薦試吓呢個方法！